የካፍ ከ15 ዓመት በታች የአፍሪካ ትምህርት ቤቶች እግር ኳስ ሻምፕዮና የምስራቅ እና መካከለኛው አፍሪካ ማጣሪያ ኢትዮጵያ በፍፃሜው ትፋለማለች።

በዩጋንዳ አስተናጋጅነት የሦስተኛ ቀን ውሎውን በመጨረሻ የምድብ እና የግማሽ ፍጻሜ ጨዋታዎች ሲደረጉ ኢትዮጵያ በሁለቱም ጾታ ጨዋታዎቹን በድል ተወጥታለች።

በወንዶች የግማሽ ፍጻሜ ጨዋታ ኢትዮጵያ ከ ቡሩንዲ መደበኛውን ክፍለ ጊዜ ያለ ግብ አጠናቀው በመለያ ምቶች ኢትዮጵያ 14-13 በማሸነፍ ወደ ፍጻሜ ስታልፍ አስተናጋጇ ዩጋንዳን በፍጻሜው የምትገጥም ይሆናል። በዚህ ጨዋታ በድምሩ 30 የመለያ ምቶች ተመትተዋል።

በሴቶች አስተናጋጇ ዩጋንዳን የገጠመችው ኢትዮጵያ መደበኛውን ክፍለ ጊዜ ያለ ግብ በማጠናቀቅ በመለያ ምቶች 3-2 አሸንፋለች። በፍጻሜውም ከታንዛንያ ጋር ትፋለማለች።