የጀርመን ብሄራዊ ቡድን ከ2026ቱ የአለም ዋንጫ በፓራጏይ 4-3 በፍፁም ቅጣት ምት ተረቶ ተሰናብቷል:: 

በዚህም መሀል አሰልጣኝ ጁሊያን ናግልስማን ከባድ ትችት እየገጠመው ነው:: 

የቀድሞው የጀርመን እና አርሰናል ግብ ጠባቂ የንስ ሌማን ናግልስማን ኳስን በትልቅ ደረጃ ተጫውቶ አለማለፉ ለዚህ ምክንያት እንደሆነ አስረድቷል:: 

” ጥቃቅን ነገሮችን ማየት አልቻለም” በማለትም አሰልጣኙን ተችቷል:: 

የቀድሞው የሊቨርፑል እና የጀርመን አማካይ ዲዲ ሀማን በበኩሉ ናግልስማን ተጫዋቾቹን አይመለከትም:: በወር ውስጥ አንድ ወይንም ሁለት ጨዋታ ቢያይ ነው በማለት ተናግሯል:: 

ነገር ግን ችግሩ የአሰልጣኙ ብቻ ነው? 

የጀርመን ብሄራዊ ቡድን ከ2014 ጀምሮ የያዘውን የኃሊት ጉዞ ቀጥሎበታል:: በዚህ መሀል ትልቅ ጥያቄ የሚያስነሳው ወሳኝ ተጫዋቾቻቸውን ለመተካት መቸገራቸው ነው:: ሚሮስላቭ ክሎሰ : ፊሊፕ ላህም : ባስቲያን ሽዋንሽታይገር እና ሌሎችም በበቂ ሁኔታ አልተተኩም:: ትላንት የመጨረሻ የብሄራዊ ቡድን ጨዋታውን ያደረገው  ኖየር እራሱ በቀላሉ የሚተካ አይመስልም:: 

የጀርመን የታለንት ፋክተሪ ግን እንደዚህ አልነበረም:: በየጊዜው ወጣት ተጫዋቾችን ይዞ ብቅ የሚል ነበር:: 

ለምሳሌ እአአ 2009 ላይ የጀርመን ከ21 አመት በታች የአውሮፓ ውድድርን ሲያሸንፍ ኖየር : ሜሱት ኦዚል እና ጄሮም ቦአቲንግ የቡድኑ አካል ነበሩ:: 

በተመሳሳይ አመት የ17 አመት በታች ቡድኑም ሻምፒዮን ሆኗል:: 

የጀርመን ከ21 አመት በታች ቡድን በተደጋጋሚ የአውሮፓ ውድድርን በቅርብ አመታት ቢያሸንፍም በቋሚነት ከዛ እርከን ወደዋናው ቡድን የሚያልፉ ተጫዋቾችን ማፍራት ሳይችል ቀርቷል:: 

በአጠቃላይ የጀርመን talent factory ነጥፏል:: 

በአንፃሩ ፈረንሳይ በተጫዋች ላይ ተጫዋች እያፈራች ቡድኑን አጥለቅልቃዋለች:: 

ጁሊያን ናግልስማን ብዙ እንደሚተች ግልፅ ነው:: እውነቱን ለመናገር ግን ባለው ነው መስራት የሚችለው:: 

ተመሳሳይ ባህሪ ያላቸው ቨርትዝ እና ሙሲዬላ… ከብቃቱ የወረደ ሳኔ… ግብ ፊት sharpness የሚጎለው ሀቨርትዝ… ክፍተቱ ብዙ ነው:: አማራጭ ደግሞ የለም!